Áhætta er samofin allri starfsemi bankans. Öflug og traust áhættustjórnun er því lykilþáttur í rekstri bankans en áhættustjórnun felur í sér greiningu, mat og stýringu á öllum áhættuþáttum. 

Fjármögnun Landsbankans grundvallast á þremur meginstoðum: Innlánum frá viðskiptavinum, fjármögnun á markaði og eigin fé. Lánshæfiseinkunn Landsbankans er metin BBB/A-2 með stöðugum horfum af S&P Global Ratings.

Hér má nálgast öll helstu fylgiskjöl árs- og sjálfbærniskýrslunnar svo sem ársreikning, fjárhagsbók, stjórnarháttayfirlýsingu, áhættuskýrslu, tilvísunartöflu sjálfbærniskýrslu og viðauka hennar.

Fylgiskjöl árs- og sjálfbærniskýrslu

Medium

Rekstrarhagnaður Landsbankans eftir skatta nam 28,9 milljörðum króna á árinu 2021 samanborið við 10,5 milljarða króna á árinu 2020. Arðsemi eigin fjár var 10,8% á árinu 2021, samanborið við 4,3% arðsemi árið 2020.

Árs- og sjálfbærniskýrsla Landsbankans 2021

Samstarf, stuðningur og fræðsla

Helstu sjálfbærniverkefni

Sjálfbærniuppgjör

Ávarp bankastjóra

Áhættustjórnun

Snjallari bankaþjónusta

Helstu atriði ársreiknings

Mannauður og jafnrétti

Einstaklingar

Eignastýring og miðlun

Loftslagsmál

Ánægðari viðskiptavinir

Fjármögnun

Stefna

Fyrirtæki

Fjármál og ársreikningur

Stjórnarhættir

Ávarp formanns bankaráðs

Helstu fréttir 2021

Stjórn og skipulag

Sjálfbærni

Fyrirvari

Afkoma Landsbankans á árinu 2021 var góð og staða bankans er sterk. Arðsemi bankans á árinu 2021 var 10,8%, í samræmi við langtímamarkmið bankans sem er að skila um eða yfir 10% arðsemi á eigið fé. 

Við einföldum viðskiptavinum lífið með því að bjóða þeim framúrskarandi stafræna þjónustu en um leið leggjum við áherslu á persónuleg samskipti og faglega ráðgjöf.

Frá ársbyrjun 2021 höfum við unnið ötullega eftir stefnu bankans sem ber yfirskriftina Landsbanki nýrra tíma. Stefnan tekst á við þær breytingar sem eru að eiga sér stað í samtímanum og hvernig bankinn þarf að vera í stöðugri þróun og stöðugri framför til þess að þjónusta viðskiptavini sína sem best.

Góðir stjórnarhættir leggja grunninn að traustum samskiptum hluthafa, bankaráðsmanna, stjórnenda, starfsfólks, viðskiptavina og annarra hagsmunaaðila og stuðla að hlutlægni, heilindum, gagnsæi og ábyrgð í stjórnun bankans. Við fylgjum viðurkenndum leiðbeiningum um stjórnarhætti og birtum árlega stjórnarháttayfirlýsingu með ársskýrslunni.

Hér er að finna helstu fréttir af starfsemi Landsbankans árið 2021.

Við leggjum okkur fram við að einfalda viðskiptavinum lífið. Á árinu 2021 kynntum við ýmsar nýjar lausnir sem gera viðskiptavinum okkar kleift að klára sín mál á auðveldan hátt í appinu og netbankanum. 

Við viljum auðvelda viðskiptavinum lífið og nýtum tæknina til að gera þjónustuna sveigjanlegri og aðgengilegri. Sömuleiðis nýtum við sérfræðikunnáttu starfsfólks og gögn bankans til að bjóða upp á framúrskarandi þjónustu og persónulega og faglega ráðgjöf.

Við finnum að rekstur fyrirtækja sem urðu fyrir áföllum af völdum heimsfaraldursins hefur í mörgum tilfellum tekið vel við sér, þótt ekki hafi þau öll náð fyrri styrk. Sífellt stærri hluti af þjónustu okkar er aðgengilegur í gegnum appið, netbankann og aðrar sjálfsafgreiðslulausnir og það er greinilegt að viðskiptavinir okkar vilja að við höldum áfram á þeirri braut.

Viðskipti með hlutabréf og sjóði margfölduðust á milli ára og góður árangur náðist í eignastýringu, hjá sjóðum Landsbréfa og við miðlun verðbréfa og gjaldeyris. Viðskiptavinir sýndu fjárfestingarkostum okkar mikinn áhuga og kunnu greinilega vel að meta hversu einfalt er að eiga viðskipti með hlutabréf og sjóði í sjálfsafgreiðslu.

Við tókum stór skref í sjálfbærnivinnu okkar á árinu 2021. Við áætluðum losun gróðurhúsalofttegunda frá útlánum okkar fyrst íslenskra banka, uppfærðum áherslur okkar í tengslum við heimsmarkmið Sameinuðu þjóðanna og gáfum tvisvar út græn skuldabréf.

Við leggjum okkur fram við að þekkja umhverfisáhrifin af starfsemi okkar. Vinnan við að greina kolefnisspor okkar og áhrif á samfélagið heldur áfram.

Við fylgjum viðmiðum Global Reporting Initiative (e. GRI Standards) og gegnir árs- og sjálfbærniskýrslan einnig hlutverki framvinduskýrslu til UN Global Compact, hnattrænu samkomulagi Sameinuðu þjóðanna. Við munum áfram styðja við hnattræna samkomulagið og fylgja viðmiðum þess.

Líkt og á fyrra ári einkenndist starfsemi bankans árið 2021 af margvíslegum áskorunum vegna Covid-19. Í sinni einföldustu mynd má segja að áskorunin felist í jafnvægi þess að tryggja heilsufarslegt öryggi starfsfólks en einnig rekstur bankans og góða þjónustu. 

Við tökum þátt í margvíslegum verkefnum sem stuðla að uppbyggingu og framþróun í samfélaginu. Við styðjum fjölbreytt verkefni með fjárframlögum úr Samfélagssjóði og veitum námsstyrki. Við birtum víðtækt efni um efnahagsmál og leggjum okkur fram við fræðslu um fjármál.

Í árs- og sjálfbærniskýrslu Landsbankans er fjallað um þjónustu Landsbankans við einstaklinga og fyrirtæki, nýjungar í stafrænni þjónustu, sjálfbærni og mannauðs- og jafnréttismál. 

Rafræna árs- og samfélagsskýrslan er birt með fyrirvara um villur. Komi í ljós innsláttarvillur, misfellur eða önnur augljós mistök í rafrænu ársskýrslunni áskilur Landsbankinn sér rétt til að leiðrétta og uppfæra rafrænu ársskýrsluna til samræmis við þær leiðréttingar hverju sinni.

Landsbankinn hf.
Austurstræti 11, 155 Reykjavík
Kt. 471008-0280
Swift/BIC: NBIIISRE
Sími: 410 4000
landsbankinn@landsbankinn.is

Árs- og sjálfbærniskýrsla Landsbankans

Fylgiskjöl árs- og sjálfbærniskýrslu

Vefkökur